Футбалісты «Тарпеда-БелАЗа» другі раз выйгралі Кубак Беларусі

Футбалісты жодзінскага "Тарпеда-БелАЗа" другі раз заваявалі Кубак Беларусі, атрымаўшы перамогу ў фінале над барысаўскім БАТЭ - 2:0, паведамляе карэспандэнт БЕЛТА.

Пачатак фінальнага паядынку застаўся за тарпедаўцамі, якія на 15-й мінуце правялі хуткую атаку, якую дакладным ударам завяршыў Валерый Гарбачык. Прапусціўшы мяч, барысаўчане стварылі некалькі небяспечных сітуацый каля варот Яўгена Абрамовіча, але зраўнаваць лік не змаглі. Пасля перапынку абедзве каманды мелі шанцы вызначыцца, але гэта ўдалося толькі падапечным Дзмітрыя Молаша. За 10 мінут да заканчэння асноўнага часу барысаўчане неакуратна згулялі ў сваёй штрафной плошчы, чым скарыстаўся габонскі нападаючы жодзінцаў Авона Ромес - 2:0.

Футбалісты БАТЭ з'яўляюцца пяціразовым уладальнікамі Кубка краіны, жодзінскія тарпедаўцы свой першы трафей узялі ў 2016 годзе, перамогшы БАТЭ ў серыі пасляматчавых пенальці.

БелТА

Крыніца: minsk-region.gov.by

Да спіса навін