Галоўная / Навіны / Навіны раёна

Навіны раёна

24 лютага 2020

Ушанаванне лепшых работнікаў працоўных калектываў раёна прайшло ў РЦК

"Працай чалавек жывы, прыгожы і слаўны». Пад такой назвай прайшло ўрачыстае мерапрыемства, якое сабрала ў Палацы культуры лепшых работнікаў працоўных калектываў раёна, 21 лютага. Цёплыя словы віншавання жыхарам раёна адрасаваў старшыня райвыканкама Сяргей Савіцкі....

20 лютага 2020

Адзіны дзень інфармавання прайшоў на Уздзеншчыне

Сёння ва Уздзенскім раёне прайшоў адзіны дзень інфармавання на тэмы: "Транспартны комплекс Рэспублікі Беларусь: стан і перспектывы яго развіцця», «Аб выніках сацыяльна-эканамічнага развіцця Уздзенскага раёна за 2019 год», «Аб правядзенні месячніка бяспекі на тэрыторыі...

17 лютага 2020

Гваздзікі на мармуры

Мітынг, прысвечаны 31 гадавіне вываду савецкіх войскаў з Афганістана, прайшоў 15 лютага ва Уздзе ля помніка воінам-інтэрнацыяналістам. Гэтая вайна доўжылася ўдвая даўжэй, чым Вялікая Айчынная – 9 гадоў і 51 дзень жорсткіх бітваў у чужым краі. У мерапрыемстве прынялі ўдзел...

14 лютага 2020

За парадай і дапамогай

12 лютага старшыня Уздзенскага райвыканкама Сяргей Савіцкі правёў асабісты прыём грамадзян. За дапамогай звярнуліся 9 чалавек. Пытанні тычыліся працаўладкавання, сувязі, будаўніцтва інфраструктуры па вуліцы Магдалены Радзівіл у г. Узда, арэнднага жылля, рамонту дарогі ў в. Карма Азёрскага сельсавета. Абмяркоўвалася яшчэ шэраг праблемных пытанняў, па ўсім дадзены даручэнні і ўстаноўлены тэрміны выканання.

10 лютага 2020

Уздзенскі ЦБП №625 па выніках працы за 2019 год лепшы ў рэспубліцы

Дыплом пераможцы рэспубліканскага спаборніцтва дырэктару цэнтра Таццяне Дубовік уручыў старшыня праўлення акцыянернага таварыства Віктар Ананіч. Калектыў таксама стаў уладальнікам граматы банкаўска-фінансавага прафсаюза за высокі ўзровень прафесійнага майстэрства і добрыя паказчыкі ў рабоце. Фотапартрэт дырэктара Уздзенскай установы будзе змешчаны на рэспубліканскай дошцы гонару Беларусбанка.

На агульным сходзе цэнтра была ўручана падзяка начальніка Мінскага абласнога ўпраўлення вядучаму спецыялісту па продажы рознічных банкаўскіх прадуктаў Алене Якімовіч. Ганаровымі граматамі адзначана работа загадчыка сектара рознічнага і карпаратыўнага бізнесу Ірыны Пякарскай і спецыяліста па арганізацыі рознічных банкаўскіх паслуг Алены Коржаль.

10 лютага 2020

Лепшыя ў вобласці

Па выніках працы ў 2019 годзе калектыў пракуратуры Уздзенскага раёна прызнаны лепшым у сваёй катэгорыі і ўзнагароджаны памятным вымпелам

Калегія па выніках працы пракуратуры вобласці за 2019 год праходзіла пад старшынствам пракурора Мінскай вобласці Сяргея Хмарука. У мерапрыемстве прыняў удзел намеснік генеральнага пракурора Рэспублікі Беларусь Аляксандр Лашын. На калегіі былі названыя лепшыя раённыя калектывы ў чатырох катэгорыях па выніках працы за мінулы год. Сярод іх калектыў пракуратуры Уздзенскага раёна.

7 лютага 2020

Узнагароджанне пераможцаў валейбольнага турніру

У чацвер у спартыўнай зале раённай гімназіі адбылася апошняя сустрэча ў рамках валейбольнага турніру.

За званне лепшай каманды змагаліся "Дзешчанка" і РАУС. Першая атрымала валявую перамогу і статус «лепшых». Пасля гульні адбылося ўрачыстае ўзнагароджанне. Па выніках турніра месцы размеркаваліся наступным чынам: сярод арганізацый, прадпрыемстваў раёна 1 месца заняла каманда Уздзенскага РАУС, 2 –Уздзенскі РАНС, 3 месца – ААТ “Наднёман”; сярод аматараў 1 месца ў каманды “Дзешчанка”, 2 – “Узда”, 3 – “Возера”. Узнагароды пераможцам уручыў намеснік старшыні Уздзенскага райвыканкама Мікалай Рацкевіч.