Эканоміка

Указ Прэзідэнта Рэспублікі Беларусь ад 24 красавіка 2020 г. № 143 «Аб падтрымцы эканомікі»

Метадычныя рэкамендацыі да Указа Прэзідэнта Рэспублікі Беларусь ад 24 красавіка 2020 г. № 143 «Аб падтрымцы эканомікі»

Пералік асоб, адказных за працу па рэалізацыі норм Указа Прэзідэнта Рэспублікі Беларусь ад 24 красавіка 2020 г. № 143 «Аб падтрымцы эканомікі»

За 2019 год аб'ём прамысловай вытворчасці ў цякучых цэнах з улікам кошту давальніцкай сыравіны склаў 45,6 млн. рублёў. Індэкс прамысловай вытворчасці да ўзроўню 2018 года роўны 117,0%.

Прамысловасць раёна прадстаўлена дзвюма арганізацыямі, якія не маюць ведамаснай падпарадкаванасці: ТАА “Марк Фармэль” (66,0% ад усяго аб'ёму прамысловай прадукцыі па раёне) і ТАА “Белкарпластык” (18,9%), а таксама РУП “Уздзенская ЖКГ” у частцы вытворчасці цеплаэнергіі і водазабеспячэння (15,1%).

ТАА “Марк Фармэль” вырабіла прадукцыі на суму 30,1 млн. рублёў, што складае 122,1% да ўзроўню 2018 года. ТАА “Белкарпластык” павялічыла вытворчасць на 1417 тыс. рублёў або на 19,6% да ўзроўню 2018 года. Па РУП “Уздзенская ЖКГ” за 2019 год аб'ём вытворчасці цеплаэнергіі, пітной вады і збору адходаў склаў 6,9 млн. рублёў або 96,7% да ўзроўню 2018 года.

Па стане на 1 студзеня 2020 года запасы гатовай прадукцыі па раёне склалі 5,4 млн. рублёў або 160,8% сярэднямесячнай вытворчасці. Гэта складскія запасы тавараў ТАА “Марк Фармэль” (яны складаюць 262,0% сярэднямесячнай вытворчасці па арганізацыі).

Аб'ём экспарту тавараў за студзень-снежань 2019 года ў параўнанні з аналагічным перыядам 2018 года склаў 99,6%. Без уліку арганізацый, падначаленых рэспубліканскім органам кіравання, тэмп росту экспарту тавараў склаў 99,7% пры гадавым прагнозным значэнні 106,6%.

Найбольшую ўдзельную вагу ў структуры экспарту тавараў займаюць: ТАА “Марк Фармэль” (38,7%), ТАА “Палітысбел” (24,2%), ТДА “СпецВудТранс” (6,2%), ТАА “Белкарпластык” (10,8%).

Экспарт паслуг за 12 месяцаў 2019 года склаў 1747,5 тыс. даляраў ЗША або 102,1% да аналагічнага перыяду 2018 года пры прагнозным гадавым значэнні 104,8%.

Асноўную долю экспарту паслуг па раёне (61,8%) складаюць транспартныя паслугі. Аб'ём іх у параўнанні з аналагічным перыядам 2018 года зніжаны на 22,4%. Асноўнымі экспарцёрамі транспартных паслуг ТАА “Корна Плюс” і ПГУП “ТрансВАНС Плюс” аб'ёмы прадастаўлення паслуг за мяжу зніжаны на 29,1% і 23,9% адпаведна.

Экспарт турыстычных паслуг вырас на 10,0%, камп'ютарных - на 61,3%. Аб'ём экспарту іншых дзелавых паслуг (інжынерных, тэхнічных паслуг, арэнда абсталявання) склаў 306,1 тыс. даляраў ЗША (у 2018 годзе экспарт іншых паслуг не ажыццяўляўся).

На развіццё эканомікі і сацыяльнай сферы раёна за студзень-снежань 2019 года выкарыстана інвестыцый у асноўны капітал на суму 74,3 млн. рублёў, або 115,1% да аналагічнага перыяду 2018 года ў супастаўнай ацэнцы.

Найбольшыя сумы інвестыцый у асноўны капітал укладзеныя СУП “Агракомплекс “Белая Русь” (7902 тыс.рублёў), ДЛГУ “Уздзенскі лясгас” (1695 тыс. рублёў), ВРУП “Эксперыментальная база імя Катоўскага” (2007 тыс. рублёў), ААТ “Уздзенскі райаграсэрвіс”(2142 тыс. рублёў), РУП “Уздзенскае ЖКГ” (1512 тыс. рублёў), ТАА “ГД “Вясёлка-святло” (2512,0 тыс. рублёў).

Аб'ём інвестыцый, асвоеных дзяржаўным прадпрыемствам “УКБ Уздзенскага раёна”, роўны 9,0 млн. рублёў, што на 82,5% вышэй за ўзровень 2018 года.

Выдаткі на набыццё машын, абсталявання, транспартных сродкаў склалі 10,5 млн. рублёў (14,1% усяго аб'ёму ўкладзеных у абнаўленне асноўных фондаў сродкаў), што на 8,9% ніжэй за ўзровень мінулага года ў супастаўнай ацэнцы.

За 2019 год у цэлым па раёне прыцягнута прамых замежных інвестыцый на чыстай аснове ў памеры 64,7 тыс. даляраў (прагнознае гадавое значэнне 500 тыс. даляраў).

Выручка ад рэалізацыі прадукцыі, тавараў, работ і паслуг за 2019 год у цэлым па раёне склала 181,8 млн. рублёў, або 106,8% да ўзроўню 2018 года. Сабекошт рэалізаванай прадукцыі па раёне вырас на 7,2%. Прыбытак ад рэалізацыі зніжаны на 449 тыс. рублёў і склаў 94,8% да ўзроўню 2018 года, чысты прыбытак склаў 9,6 млн.рублёў (плюс 1,6 млн. руб.).

Рэнтабельнасць рэалізаванай прадукцыі, тавараў, работ, паслуг у параўнанні з 2018 годам зніжана на 0, 7 працэнтных пункта (паказчык склаў 5,4%). Рэнтабельнасць продажаў зніжана на 0,6 працэнтных пункта (паказчык склаў 4,5%).

Страты ад фінансава-гаспадарчай дзейнасці за 12 месяцаў 2019 года атрыманы Уздзенскім райспажыўтаварыствам у памеры 522 тыс.рублёў.

Выручка ад рэалізацыі прадукцыі, тавараў, работ, паслуг у разліку на аднаго сярэдняспісачнага работніка па арганізацыях раёна склала 58,1 тыс. рублёў, рост да 2018 года - на 16,1%. Найбольшыя тэмпы росту прадукцыйнасці працы (па выручцы) дасягнуты ў ААТ “Уздзенскі райаграсэрвіс” (155,3%) ДРБУ-163 (154,1%), УП “Хатляны-Агра” (152,2%), ЗАТ “АСБ Агра-Кухцічы” (136,4%), РСУП “Саўгас “Гарадок” (131,6%). Зніжана прадукцыйнасць працы ў Уздзенскім райспажыўтаварыстве (71,1%).

Па стане на 1 студзеня 2020 года прадпрымальніцкую дзейнасць на тэрыторыі раёна ажыццяўлялі 927 суб'ектаў гаспадарання, з іх 293 мікра- і малых арганізацый, 9 суб'ектаў сярэдняга бізнесу і 625 індывідуальных прадпрымальніка.

За 2019 год паступленні ў кансалідаваны бюджэт ад прадпрымальніцкага сектара склалі 8,1 млн. рублёў. Удзельная вага паступленняў ад прадпрымальніцкага сектара склала 40% ад агульных паступленняў.

У раёне за студзень-снежань 2019 года на зноў створаныя працоўныя месцы за кошт стварэння новых прадпрыемстваў і вытворчасцей па чаканай ацэнцы працаўладкавана 144 чалавекі пры заданні 85.