Адрес райисполкома: Республика Беларусь, Минская область, 223411 г.Узда, ул. Советская, 22.

Телефон приемной: (8-01718) 65-5-07

Факс приёмной райисполкома: (8-01718) 65-3-57

E-mail: isp@uzda.minsk-region.by

Разлив Нёмана
Разлив Нёмана
Главная / Новости / Новости района
14 марта 2018

Ганаровае званне “Жанчына года-2017” атрымалі лепшыя прадстаўніцы прыгожай паловы Уздзеншчыны

14 сакавіка, Узда /Уласн. інф./.   Такім жанчынам пад сілу ўсё…Гэтыя словы сталі своеасаблівым лейтматывам урачыстага мерапрыемства, якое сабрала пад купалам Палаца культуры лепшых прадстаўніц прыгожай паловы Уздзеншчыны – пераможцаў раённага конкурсу “Жанчына года-2017”. І гучалі гэтыя словы пераважна з вуснаў мужчын.
З ініцыятывай расказаць пра ролю жанчын у сучасным грамадстве, іх уклад у здароўе нацыі, выхаванне дзяцей, сацыяльна-эканамічнае, навуковае і гуманітарна-культурнае развіццё раёна выступіла раённая арганізацыя грамадскага аб’яднання “Беларускі саюз жанчын” пры падтрымцы раённага аб’яднання прафсаюзаў, раённых арганізацый грамадскіх аб’яднанняў “Белая Русь” і БРСМ. Усяго на конкурс было пададзена каля 30 заявак. Аднак у фінал прайшлі толькі дзесяць удзельніц. Паміж імі і былі размеркаваны вызначаныя арганізатарамі намінацыі.
Да апошняй хвіліны захоўвалася інтрыга: хто з жанчын-удзельніц і ў якой намінацыі вызначыліся. Права павіншаваць прысутных у зале дам з надыходзячым святам 8 Сакавіка і ўручыць заслужаныя ўзнагароды пераможцам конкурсу прадаставілі старшыні райвыканкама Сяргею Савіцкаму, дэпутату Палаты прадстаўнікоў Нацыянальнага сходу Рэспублікі Беларусь Юрыю Лобачу, старшыні раённага Савета дэпутатаў Ігару Пятровічу, настаяцелю храма Святых апосталаў Пятра і Паўла протаіерэю Грыгорыю Чарапеннікаву, начальніку аддзела адукацыі, спорту і турызму райвыканкама Уладзіміру Казючыцу.

 

Жанчына года Уздзеншчыны:
“Жанчына-легенда” – Тамара Аляксандраўна ЖЫГАЛКОВІЧ
“Жанчына ў бізнесе” – Анжэла Пятроўна МАХНАЧ
“За лідарства і паспяховае кіраванне” – Вера Мікалаеўна БАРЫСЕВІЧ
“Маладзёжны лідар” – Аляксандра Мікалаеўна СЕРАЯ
“Жаночая мужнасць” – Святлана Паўлаўна НАЗАРАНКА
“Ратуючы жыцці” – Галіна Яўгеньеўна КІБ
“За актыўную грамадскую дзейнасць” – Кацярына Паўлаўна БУЛКА
“За ўклад у развіццё духоўнасці і культуры” – Тамара Пятроўна ЛУХВЕРЧЫК
“За выхаванне дзяцей і моладзі” – Алёна Яўгеньеўна ЯЎСЮК
“За вернасць і адданасць прафесіі” – Рамуальда Іванаўна НЯМЧОНАК

Біяграфія кожнай з фіналістак конкурсу дастойная таго, каб залатымі літарамі быць упісанай у летапіс Уздзеншчыны.
Імя Тамары Аляксандраўны Жыгалковіч добра вядома жыхарам раёна, асабліва ў сельскай гаспадарцы. Сваю працоўную дзейнасць гэта жанчына пачынала тэхнікам па нарміраванні ў калгасе “Зарэчча”, які пасля і ўзначаліся ў 1987 годзе. На гады яе кіраўніцтва прыйшоўся і росквіт гэтай гаспадаркі, пры яе ўдзеле былі пабудаваны аб’екты сацыяльна-культурна-бытавога прызначэння. На заслужаны адпачынак Тамара Аляксандраўна пайшла ўжо з пасады старшыні райкама прафсаюзаў работнікаў аграпрамысловага комплексу.
У гэтай жанчыны адкрытае сэрца. Яна заўсёды гатова прыйсці на дапамогу ў рэалізацыі раённых мерапрыемстваў і дабрачынных праектаў. Разам з тым, Анжэла Пятроўна Махнач – жанчына, для якой бізнес – гэта магчымасць рэалізаваць сябе, атрымліваць задавальненне ад любімай справы, пастаянна даведвацца што-небудзь новае, а значыць – рухацца толькі наперад.
А вось Веру Мікалаеўну Барысевіч інакш як жанчынай-кіраўніком і не назавеш. Яна курыруе пытанні эканамічнага развіцця раёна, прамысловасці, арганізоўвае работу з кіраўнікамі арганізацый, прадпрыемстваў .устаноў усяго раёна, спалучаючы патрабавальнасць з аказаннем практычнай дапамогі. Асаблівую ўвагу скіроўвае на пошук новых шляхоў і форм кіравання, якія дазволяць павялічыць аб’ёмы вытворчасці, палепшыць яе эфектыўнасць і якасць.
Гэта дзяўчына яшчэ да ўступленя ў рады БРСМ вызначалася актыўнай грамадзянскай пазіцыяй. І сёння Аляксандра Мікалаеўна Серая ў эпіцэнтры маладзёжнага жыцця раёна. У яе асобе спалучаюцца валанцёр, мастацкі кіраўнік харэаграфічнага гуртка “New stile”, кіраўнік аб’яднання па інстарэсах “Натхненне” ў ліцэі.
За час прахожання службы ў органах унутранных спраў (а адлік яе ідзе з 1991 года) гэта жанчына зарэкамендавала сябе толькі са станоўчага боку. На яе рахунку шматлікія ўзнагароды і падзячныя пісьмы. З 2001 года Святлана Паўлаўна Назаранка з’яўляецца начальнікам крымінальна-выканаўчай інспекцыі міліцыі грамадскай бяспекі РАУС і са службовымі абавязкамі спраўляецца на выдатна.
Працоўны стаж Галіны Яўгеньеўны Кіб налічвае больш як 36 гадоў. Гэта прафесіянал сваёй справы, які ў любы момант незалежна ад таго, што адбываецца дома, заўсёды прыйдзе на дапамогу. І сёння яна працуе ў санаторнай школе-інтэрнаце на карысць нашага раёна, робячы падрастаючае пакаленне здаровым.
Гэта жанчына пачынала сваю працоўную дзейнасць у творчай камандзе і вучылася ў старэйшых калег. Разумела: музейны работнік – гэта, перш за ўсё, прызванне, любоў і адданасць прафесіі. І цяпер работа для Тамары Пятроўны Лухверчык – лад жыцця.
Прафсаюзны работнік, актывістка і проста прыгожая жанчына, якая жыве па прынцыпе “Пакажы прыклад іншым”. Усё гэта – урач-педыятр райбальніцы Кацярына Паўлаўна Булка.
На працягу 10 гадоў Дзешчанская школа з’яўляецца апорнай пляцоўкай Акадэміі паслядыпломнай адукацыі для правядзення семінараў-практыкумаў для начальнікаў аддзелаў адукацыі нашай краіны. А кіруе гэтым караблём педагог з 34-гадовым стажам – Рамуальда Іванаўна Нямчонак.
Не менш вопытным педагогам з’яўляецца і дырэктар сельскагаспадарчага ліцэя Алёна Яўгеньеўна Яўсюк, на рахунку якой граматы за плённую работу па развіцці сферы адукацыі Мінскай вобласці.
Аднак не толькі працай жывуць гэтыя жанчыны. Самае галоўнае іх прызначэнне – захоўваць сям’ю, дарыць цеплыню сваіх сэрцаў родным і блізкім, падкідваць у сямейны ачаг бясцэннае паліва дабрыні і любові. І, вядома ж, ва ўсім і заўсёды заставацца жанчынай. Жанчынай з вялікай літары.

Газета “Чырвоная зорка”,
Вера ЛУКАШЭВІЧ, Сяргей ШАРАЙ (фота)

Интернет-ресурсы